السلام عليكم
أنا عارفه انى أتأخرت عليكم جدا بس الظروف بقى وأنا جايلكم فى الكلام أهه
أولا: بسبب الامتحانات والقرف بتاع الكليه ده ربنا يخلصنى منها بقى
ثانيا : عشان خلصت امتحانات من هنا ورحت كشفت على نظرى عشان كان بيجيلى صداع مستمر
ف الدكتور قالى انتى محتاجه تعملى عمليه أحسنلك أصل أنا عندى عين وعين
المهم قلنا أحسن وعملت عمليه lazic
يوم الأحد اللى فات والحمد لله ولسه لحد دلوقتى وهى بتوجعنى لحد دلوقتى لو ركزت فى حاجه شويه ومن يومها وأنا أكتر حاجه بعملها انى بنااااااااااااااااام
نيجى بقى للمهم وهو انى عرفت ناس على حقيقتها وانهم بتوع كلام وبس ومحدش سأل عليا ولا اهتم انه يسأل حتى
أنا مش زعلانه من حد أصلا لسبب بسيط انى معتش بتوقع من حد أى حاجه
وكمان فى ناس اكتشفت انها متستهلش حتى الاحترام ولو للحظه من اللحظات
-------------
كلام تانى
وانا جايا انا وبابا يوميها بليل من عند الدكتور لما شفت ولد صغير واقف على الكبرى لوحده بيبيع ترمس باين والدنيا ثلج
بقول لبابا هما أولا الشوارع دول فعلا بيبقى وراهم عصابات ؟!
قالى : أه .
المهم فبقوله طيب أنا عاوزه أحل المشكله دى !
قالى : كل متشوفى واحد فى الشارع اقتليه
----------------
كلام تالت
انا مكنتش اتكلمت عن موضوع غزه خالص وخصوصا انى لسه بدأه أهتم وأسمع الأخبار من فتره قريبه الا حد ما
كل اللى هقوله واللى فكرت فيه بصراحه أنهم - اسرائيل- بالفعل استولوا على القدس (المسجد الأقصى ) , قلت خلاص يبقى لسه ياما هيحصل سواء فى اللى باقى من فلسطين ولينا - العرب - كمااان
!!! ----------------
كلام رابع
بالنسبه للشغل بتاعى بقى ف الحمد لله ماشى كويس وبدأت من فتره فى انى أتعلم الأنيميشن حركات بقى
يمكن متأخره شويه وده بسبب الظروف اللى حصلت دى .. بس الحمد لله وان شاء الله أشد حيلى الفتره الجايه أكتر
ءدعواتكم
21 تعليقات
الف الف سلامه عليكى
ردحذفوان شاء الله تكونى جاوبتى كويس وتنجحى ان شاء الله
ربنا يوفقك
اما بقى بخصوص الناس اللى مش سالو عليكى
مش عارف اقولك ايه
بس اصبرى شويه عليهم
وفكرى كويس مين الوحش ومين الكويس
سلامتك ياحبيبتى وان شاء الله تخفى بسرعة والالم ينتهى للابد
ردحذفالسلام عليكم
ردحذفهو انتي جبتي الجرأه دي و دخلتي العمليه منين؟
انا كمان بفكر اعمل نفس العمليه بس بأجلها كل مره
يلا حمدلله على سلامتك و الف سلامه يارب
@ romansy
ردحذفالله يسلمك
والحمد لله الامتحانات كانت كويسه ربنا يهون :)
أما بالنسبه للناس فأنا بقالى فتره عماله أتصدم فى ناس كتير بس الحمد لله برده ربنا يغنينا ;)
@ موناليزا
الله يسلمك
وشكرا جدا على ذوقك :)
@ Meme
ههههههههه
أنا معروف عنى طول عمرى انى جريئه ومش بخاف من حاجه ;)
ان شاء الله تعمليها قريب وخليكى شجاعه ويارب تبقى كويسه قريب ان شاء الله .
والله يسلمك :)
السلام عليكم فراشتي...
ردحذفالحمدلله على السلامه..
طمنيني أحسن دالوقت ..
.........
بجد حل جذري لأطفال الشوارع
إيه الإجرام ده
..........
دمتي بخير
الف سلامه عليكى يا قمر
ردحذفربنا يريحلك عنيكى وميخليهاش توجعك ابدا ان شاء الله
يارب بس انى ماكنش من الناس الللى انتى عريفتيهم على حقيقيتهم
انى يعنى مكنتش بعلقلك بس والله مش انتى بس انا كنت بدخل مدونتى بالصدفه والله
عموما الف حمد الله عالسلامه وربنا يتم شفاكى ان شاء الله
salam alikom
ردحذفمبرووك على العميلة والف سلامات
خدي بالك بس من الي جاي اتبعي التعلميات الي الدكتور قالك عليها...^_^
بالنسبة لاطفال الشوارع بقى
هههههه...طيب الاطفال ايه ذنبهم
احنا نعمل زي كونن ونتتبعهم ونقتل في العصابات
بالتوفيق ان شاء الله
@ نهــــــــــار
ردحذفأنا الحمد لله كويسه
عندى اعاده النهارده ربنا يستر :(
@ بنت مصريه
الله يسلمك :)
وأكيد انتى مش فيهم هههه
أنا أقصد الناس اللى حواليه وبتعامل معاهم :)
@ Rooma Qandil
الله يبارك فيك
الله يسلمك :)
وبالنسبه للأطفال ف بابا قالى كده عشان العصابات متخطفهمش ههههههههه
ألف سلامه ومع أنها جت متأخره بس ده لعدم علمى عن الموضوع أو البلوجست بتاعتك والله
ردحذفعلى العموم بتمنى توصلى للى بتحلمى بيه فى أسرع وقت بس المهم يكون عندك ثقه بنفسك وأصرار وعدم يأس
وأن شاء الله توصلى للى بتحلمى بيه
أنا عارف أن الكومنت بتاعى جه متأخر بس والله لأنى كنت فى أمتحانات وكنت ناوى أقدم بحث عن جسم الأنسان بس ماحصلش توفيق
ميدو المصري
El Far3on El 3aSek
@ mido elmasry
ردحذفالله يسلمك
وشكرا على اهتمامك ويارب كل واحد يحقق كل اللى بيحلم بيه :)
ومش متأخر ولا حاجه أنا لسه كتبا الموضوع امبارح بس .
الف الف سلامة عليكى وربنا يكرمك وينجحك انشاء الله
ردحذفوعلى فكرة مدونتك جميلة وخصوصا القران اللى انتى حطاة
تحياتى ليكى وتقبلى مرورى
شخابيط mahgoub
@ شخـا بيــط مـحـجـوب
ردحذفالله يسلمك
وشكرا جدا
ده بس من ذوقك :)
الف الف مليون سلامه ياقمر
ردحذفوحمد الله علي السلامه
ويارب تنجحي بتفووووووووووق
سلامتك الف الف سلامه
ردحذفان شاء الله ترجعى بالسلامه يا قمر
شفاكى الله وعفاكى
الف الف الف مليون سلامة
ردحذفوطبعا انا كنت بامتحن برضه
وربنا يعيننا جميعا
ويا رب ترجعلى لنا بالف الف الف مليون سلامة
السلام عيكم و رحمة الله و بركاته
ردحذفاختى بتر فلاى
اعذرينى فعلا ان انا مش سالت عليكى بس فعلا انا مش كنت باخل المدونة خالص علشان بقى الامتحانات و كما الكمبيوتر كان بايظ
و حمدلله على السلامة
و تحياااااااااااتى
و تقبلى تعليقى و مرورى
@ كيــــــــــــارا
ردحذفالله يسلمك
وربنا ينجحنا كلنا فى حياتنا ان شاء الله .
@ ريمان
الحمد لله أنا رجعت والدكتور الحاله مستقره والحمد لله :)
@ الازهرى
ربنا يوفقك ويوفقنا جميعا ان شاء الله :)
@ خديجة محسن "لؤلؤة الاسلام"
ولا يهمك كل واحد بيبقى عنده ظروفه
ومنورانى :)
ربنا يوفقك واستمتعى بقى بالاجازة
ردحذفوان شاء الله ربنا يهدى الاحوال
تحياتى لكى ياقمر
@ رئـــــيسـة حزب الأحلام
ردحذفشكرا
بس مش باين :(
شكلى هقضى الأجازه كلها فى البيت :'(
تعرفين
ردحذفانا بعد نظري جدا خف هالفتره
ولازم ارجع دكتور عيون :(
الحمدلله ع سلامتك حبيبتي
وبالتوفيق يا رب :)
شكرا أقصوصه :)
ردحذفوان شاء الله تبقى أحسن ;)