من حوالي أسبوعين اتفرجت علي الفيلم ده ..
اد ايه الفيلم يستحق اني أرشحة لناس كتير أعرفهم، سواء في حياتي حالياً أو كانوا فيها .!
في الفيلم المعالج النفسي بيقول للبطلة إن حياتنا والناس اللي فيها عبارة عن دواير .. دايره كبيرة وبعيدة وبعدين أقرب وعدد أقل .. لحد ما بيبقي في ٥ هم أقرب الناس لينا، في مكان واحد قابل للتغيير، في الغالب ده بيبقي الشخص المرتبطين بيه!
الحقيقة أنا سألت نفسي نفس السؤال، بس ملقتش إجابة لل ٥ تقريبا فاضيين أو خليني أقول ٣ منهم فاضيين!
قعدت أفكر مع نفسي وأعصر دماغي عن مين ممكن يكون من ال ٣ دول، فعلاً ملقتش.
الناس بقت بتبعد عن بعضها بطريقة بشعة، ومبقاش في علاقات مستمرة، كل العلاقات بقت مؤقتة وفي الغالب العلاقة أصلاً بتبقي لسبب مش حب للشخص أو حب إن تكون العلاقة وطيدة!
أنا بجد زهقت من العلاقات المؤقتة!
1 تعليقات
فعلا اختى الكريمه عندك حق العلاقات بقت عبارة عن مصلحه بمجرد ماتنتهى شكرا يمكن الناس بقت معزورة بسبب الجرى واء لقمه العيش او الروح الحلوة ماتت اصلا بسبب الظروف اللى حاولينا او غلاء المعيشه الخ الخ بس فى النهايه اتفق مع شخصك ان العلاقات اتدهورت لابعد الحدود
ردحذفاسال الله الكريم ان يخرجنا منها على خير وان لايحوجنا الا لسواه
تحياتى لشخصك الكريم