قدرات

 

أغلب المتزوجين بيتعاملوا مع اللي متجوزوش علي انهم ناقصهم حاجة أو فيهم عيب وانهم أصلاً مش اد مسؤولية الزواج.

وأغلب اللي متجوزوش اللي بيقال عليهم"فيمينست" بيتعاملوا مع اللي اتجوزوا وخلفوا علي انهم معملوش انجاز علشان كل شوية تقول "الراجل الحنين رزق"،"قلبي وروحي ودنيتي" -الحقيقة هن بياخدن علي دماغهن في الأخر - أغلبهن برده

طب يا جماعه ما تهدوا انتوا الاثنين كده، ده عادي وده عادي علي فكره لكل واحد منكم، اعتبروا انكم في كليات مختلفة، واللي في طب مش هيفهم شغل تجارة، والمحامي ملوش في الهندسة..!

ده اللي في قسم واحد وقاعدين جنب بعض كل واحد بيفهم ماده وبيفهمش التانيه، لأ ده كل واحد بيفهم سطر

ماهو ربنا خلقنا قدرات، وربنا محلي لكل واحد عيشته، فلا تستهيف اللي غيرك فيه ولا تكبر اللي انت عايشه.