الحقيقه أنا مش عارفه ابدأ كلامى ازاى وخصوصا ان حالتى النفسيه ليست على ما يرام وحاسه انى مخنوقه ومش قادره اتنفس بقالى كام يوم
فسمحونى معلش كلامى مش هيبقى مترتب لأنى مش مركزه أصلا
.بقالى فتره مش قليله بحلم بواحده صاحبتى من ابتدائى وللأسف علاقتنا اتقطعت .. بس مش من فترة طويله أوى بس تقريبا سنه ونص ..!
وللأسف أكتر أنا كنت السبب فى الانقطاع اللى حصل ده وكنت بتلكك زى مابيقولوا ..
بس انا حاسه انها وحشانى اوى ونفسى أكلمها وفكرت فعلا بس رجعت فى كلامى تانى .. لأسباب كتير منها هكلمها أقولها ايه
على الرغم من انها بعتالى السلام مع بنت خالتى قريب فى رمضان ..
بس كمان قلت لنفسى لو هى عاوزه تكلمنى كانت كلمتنى .. مش عارفه أعمل ايه
.صاحبتى اللى كنت كتبت عنها موضوع قبل كده اللى اتخدعت فيها برده وحشتنى أوى ووحشنى أيامنا سوا ومشينا مع بعض والأكل بره وكل حاجه ونفسى أكلمها .. بس أنا مازلت زعلانه منها .. وكمان عاوزه أوصلها ان نظام المواد اتغير ولازم تروح تسأل
.مش عارفه مؤخرا اكتشفت انى بقيت عصبيه أوى وباخد كل حاجه على أعصابى بس بيبقى عندى حق برده .. بس تعبت .
مش عارفه ليه دايما بفارق كل اللى بحبهم وبالرغم من شوقى ليهم باعمل أقصى ماعندى عشان نفترق
.ء
17 تعليقات
اول تعليق
ردحذف:)
بصي بتاعت المدرسه روحي وكلميها مش عيب
ردحذفاما التانيه انا مش عارفه مدي اللي حصل بس لو ينفع تسامحي وغلطها مش كبير سامحي
اما العصبيه
اكيد بتمري بظروف صعبه زادت من حده عصبيتك زي نماااام
ربنا معكي وسعيه انك بتواجهي نفسك
شكرا كيارا
ردحذفهحاول انفذ الحاجات دى
بس أنا فعلا محتاجه أهدى وأخد فترة نقاهه
ربنا يسهل ان شاء الله
اقولك
ردحذفجميل قوى الصداقه
وجميل قوى انك حسه انك مقصره مع اصدقائك
بس انا ممكن اقولك حاجه
طالما انتى حسه بالذنب
يبقى صالحيها وابدى انتنى بالسلام
دا هيكون احسن طبعا
حبيبتى انا كمان كنت بمر بنفس الظروف بتاعتك دى من فترة
ردحذفبس انا كنت بقى مصدومة فى ناس صحابى
المهم
اقولك نصيحة
اللى حاسة انك بتحبيها وحتنبسطى لما ترجعيلها تانى اتصلى بيها وكلميها
واللى حاسة انها حتبقى حمل ومشاكل ليكى كبرى دماغك منها
حكمى عقلك اولا ثم قلبك
ردحذفصدقينى وقتها هاتعرفى تتصرفى و تقربى من الانسانه الصح
ربنا معكى و تخرجى من الحيره دى قريباَ
السلام عليكم
ردحذفبصراحة انا من رائ انتى تصالحية مش عيب
الرسول (ص) بيقول خيركم من بدأ بالسلام
وكمان انتى الغلطانة
صدقينى هاتكسبى كتير اوى لو انتى اللى بدئتى .
جمعى افكارك وروحى ليها يلا وبلاش تدخلى الشيطان جوة دماغك
مين فينا احسن من الرسول
طبعا اكيد انتى عارفة قصه السيدة اللى كانت تضع قذورات امام بيت النبى كل يوم ولم غابت عنة لمرضها ذهب ليسال عنها
تعالى نتحلى بصفات النبى على شان يوم القيامة يكون لينا حجة نستند اليها
تحيااااااااااااااااااااااااااااااتى
فكرى امارو ان البنت دى ممكن تموت فجأة من غر ماتروحيلها ضميرك هيأنبك اكتر
ردحذفالمسامح كريم وربنا بيغفر لنا بقا احنا مش هنغفر لعباده؟
شكرا ليكم كلكم بجد
ردحذفان شاء الله ربنا يهدينى ويخرجنى من الحاله اللى أنا فيها وصلح كا ده ان شاء الله .
السلام عليكم.....
ردحذفأنا مع كيارا بكلامها...
صاحبت المدرسه مش عيب تصالحيها ..
بل بالعكس كان المفروض بدخول رمضان تكلميها...
تذكري قول الرسول صلى الله عليه وسلم (لا يحق للمسلم ان يهجر اخاه المسلم فوق ثلاث ليالي, يلتقيان يعرض هذا ويعرض هذا وخيرهم من يبدأ بالسلام).
...................
أما لصاحبتك الي معاها مشكله
ده يرجعلك وعقلك وقلبك وكرم أخلاقك...
.................
اما العصبيه
إلزمي الاستغفار
...........
في أمان الله..
@ M.K
ردحذفشكرا على كلامك
بس عاوزه أوضح حاجه احنا مش بنتقابل أصلا عشان نعرض
أنا بسأل عليها من بعيد وهى كذلك .
أما التانيه ف المشكله مكنتش مباشره
بس هى مكنتش مهمتمه انها تبقى قريبه منى أو لأ
وأنا دايما اللى كنت بتصل بيها وبسأل عليها !!!
يا اموره مو من السهل انك تلاقي اصدقاء بهالوقت يعني لو بتقدري تسامحي فسامحي لانه و الله الحياة صعبه بدون اصدقاء و معليشي طالما بتبعتلك السلام يعني هي كمان عايزه تكلمك فجربي تحكي معها يمكن تتصلح الامور
ردحذفقولي امين
@ Meme
ردحذفآآآميييين :)
شكرا على ردك وكلامك الجميل ده
وان شاء الله هعمل ده فى أقرب وقت .
السلام عليكم :)
ردحذفبجد أنا عاوزه أشكركم كلكم معلش أنا مش رديت على كل الناس بعينها بس هو تقريبا الرد واحد .
أحب أعرفكم انى فعلا كلمت صاحبتى اللى من ابتدائى والحمد لله المكالمه كانت كويسه ومكنتش صاعبه عليا زى ماكنت متخيله وده اللى كان مخلينى متردده .
أما صاحبتى من الجامعه واللى احنا أصلا متفقيت ان احنا مش صحاب يعنى زملاء وكل حاجه بتيجى واحده واحده
ف أنا بعتلها أوفلاين على الإيميل عشان أقولها على موضوع المواد ده .. ف ردت عليا ب أوف لاين برده انها عارفه وأنا عارفه انها دايما بتبقى عامله نفسها أوف لاين ومش بتكلمنى هو أنا مش عازراها أوى ممكن تكون بتقول لنفسها انها لو كلمتنى مش هرد عليها وممكن تكون مش عاوزه تكلمنى أصلا والله أعلم .
شكرااااااا
سلاااااااام
السلام عليكم...
ردحذفالحمدلله على كل حال ..
سبحان الله عند صفاء النيه
يسهل الله الأمور...
...
دمتي بخير
@ M.K
ردحذفشكرا ليكى
والحمد لله على كل حال .
عزيزتى الفراشة
ردحذفكل بنى ادم خطاء
وخير الخطائين التوابون
وبداية التوبة هو الاعتراف بالخطأ وقد بدأته فلتكلملى المشوار الى نهايته
كما انها بدات بالسلام وكان واجبا عليك لاتك المتسببة فى الخصام فلا تكونى السبب فيه للمرة الثانية
تحياتى